 |
| نكت مصريه للكبارجديده مضحكه جدا 2015 |
اتنين محششين واحد بيقول للتانى هوا يحصل ايه يا جدع لو الواحد قام من النوم الصبح لقى نفسه ميت…….
رد التانى بس يا جدع متقولش كده والله الواحد كان اتشل فيها
______________________________
واحدة وحشة قوى بتقول لجوزها مبتعمليش ليه زى ما أبو محمد بيعمل مع أم محمد…
قال لها بيعمل ايه يا وليه …..
قالت له بيدلعها بيقولها بحبك يأخدها السيما
قال لها خلاص يا ولية أنا مستعد أعمل زى أبو محمد (بس أم محمد هتوافق)
______________________________
حدث بالفعل في دمياط
واحد من الناس مات وقرر الناس انهم يصلوا عليه ركعتين قبل صلاة الجنازة ودخلوا راجل كبير من الناس يصلي بيهم….
الرجل طاعن في السن وخاف بعض الناس انه يغلط في الصلاة
لكن الحمد لله الراجل صلي زي الفل الركعة الاولي والتانية
وفي نهاية الركعة التانية وقبل ما يسلم مباشرة لف وشه ناخية الناس وراح قايل لهم
(الا صحيح يا أخوانا هوا كيلو البصل بكام ب 30 قرش ولا ب 35 في ناس بتقول ب 30 وناس بتقول ب35 والواحد معدش عارف يصدق مين)
______________________________
واحد بيقول لابوه يا بابا أنا عايز اتزوج مني بنت جارتنا اللي تحت منا …
الأب قال لابنه يا ابني انا كنت اعرف امها وممكن تطلع أختك شوف لك واحدة تانية……
قاله خلاص جوزني رشا بنت جارتنا اللي فوق مننا ……
الأب قال لابنه برضه دي كنت أعرف أمها وممكن تطلع أختك….
الابن قعد يبكي وأشتكي لأمه …..
قالت له اتجوز اللي أنت عايزه هوا أصلا مش أبوك….
______________________________
خمس افراد دخلوا يصلوا العشاء وهما مستعجلين ومحدش لحق يعرف هما في الركعة الكام….
فقام واحد ناصح منهم سأل اللي جمبه هما في الركعة الكام
رد التاني …….والله ما أعرف
رد الثالث……..انتوا بتتكلموا في الصلاة
رد الرابع……..والله ولا واحد فيكم صلاته مقبولة
رد الخامس…..الحمد لله انا متكلمتش
______________________________
واحد بيقول لواحد صاحبه انا عايزك تجاوبني بصراحه
قال له وماله
قال له الاغلي عندك ابوك ولا كيلو اللحمة
قال له عيب عليك يا جدع
والله شوية الشوربة احسن من امه
______________________________
واحد صعيدى حطوه علي جهاز كشف الكذب وقالوا له أوعى تكذب لو كذبت اللمبة هتنور….
فهمت قال لهم ايوة فهمت (قامت اللمبة منورة)
______________________________
واحدة وحشة قوى بتقول لجوزها تحب أظهر على مين واستخبى من مين …جوزها قرفان منها قوى
قال لها :أظهرى على كل الناس واستخبى منى أنا
______________________________
مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص.. الثاني رد عليه بس انا مش علي.. الاول قاله وكمان غيرت اسمك!!
______________________________
واحد و هو بيموت بص لمراتة نظره رومانسيه وقالها لما انطردت من الشغل كونتي معايا ولما تعبت وقفتي جنبي ولما فلست برضوا كونتي معايا ودلوقتي انت لسه جنبي.. مسك ايدها بحنيه وقالها مش عارف ليه حاسيس انك نحس…
______________________________
مرة واحد اخد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود… ملحوظه زوجتى واقفة في الوسط…
______________________________
سكران ماسك الفرخة بتاعته.. قاعد يضرب فيها يضرب فيها ويقولها: كل يوم بيض بيض مافيش جبنه!!
______________________________
واحد مسطول بيسأل مراته هو لما بنفتح باب الحمام النور بينور قالت له لا.. قالها يبقى أنا عملتها فى الثلاجة…!!